sanxenxo
En Sanxenxo nacín e en Sanxenxo vivo dende que deixei de pasearme por diferentes sitios de Galiza, motivado polo meu traballo en restauración. Desexaba establecerme e decidín quedarme en Portonovo, o segundo núcleo urbán do concello de Sanxenxo.
Portonovo gústame, quizais se está máis cómodo que en Sanxenxo por moitos motivos: non só no vran ves xente pola rúa e a que ves vive eiquí, nas súas rúas, praias e porto encóntrome como en casa e non me sinto extrana; sen embargo en Portonovo existe moito resquemor, a xente ten unha sensación de competitividade coa do casco sanxenxino que ven xa de lonxe e que por desgraza séguese mantendo nas novas xeracións.
Despois de tres anos e medio afincada eiquí, empezo a saudar á xente pola rúa máis asiduamente, debido a moitas cosas: ao obradoiro, á colaboración en entretendas, ó meu noivo..., porque por sair non é. Como dí Luis non fago máis que estar no zulo metida.
Sanxenxo quedou para dar paseos e achegarse a mercar nalgunha tenda concreta, porque decidirse a adquirir é perigoso e insofrible para o bolsillo. Ademáis o paseo de Silgar faise pequeno, a partir da semana santa, polo turistas que visitan o pobo, e non é nada agradable sentarse nunha terraza ou tumbarte na praia, sempre que teñas sitio.
Isto é persoal, pero xeneralizado, a xente do pobo é desplazada, o protagonista é o visitante que reside nos hoteis ou nas propias residencias que copan todo o paseo (punto preferido polo turista que non coñece o resto do concello). A industria non existe e o turismo é a única actividade económica, así que contando con que dous son os meses estivais, no resto do ano, se non tes un traballo alternativo morres de fame. Ainda que traballes 12 horas no vran co que gañas non podes vivir o resto do ano, e esto dirixido as familias xa asentadas porque a xente coma eu ten que buscar alternativas a este sector, se as hai e se non ímonos para Barrantes. Isto está en Ribadumia, un concello da comarca do Salnés que está crecendo grazas a xóvenes que caen de cu ó darse conta do que piden por un piso de 70 m2 no meu concello (tanto en Sanxenxo city coma na Revolta). Así é como estamos, ainda que pensen que 60 pisos protexidos poidan arranxar un problema de vivenda que xa é vello.